Златан Ибрахимовиќ со Милан ја освои титулата шампион на Италија, прва за славниот клуб по 11 години.
40-годишниот Швеѓанец славеше со кубанска пура и шампањ на теренот, а потоа на прославата зборуваше за продолжување на кариерата.
„Доколку се чувствувам добро физички, ќе продолжам да играм. Кога сум на теренот, правам разлика“, изјави напаѓачот кој оваа сезона постигна осум гола за 1.167 минути. Тој му го посвети трофејот на Мино Рајола, неговиот агент кој неодамна почина.
„Ова е за Рајола. Сакаше да ме види во Милан, ми рече дека можам да го спасам клубот и да го вратам на највисоко ниво. Што би ме советувал да направам? Да играм уште 10 години и да земам колку можам повеќе пари.“
