Постојат причини зошто боксот е исклучително популарна вежба меѓу љубителите на вежбањето и славните личности.
Боксот е сеопфатна вежба, три во едно – кардио, сила и ментален тренинг.
Ако тоа не е доволно да ве убеди да го вклучите боксот во своите секојдневни активности, можеби ќе ве убедат овие пет причини.
Боксот ги активира сите мускули во телото
„Немојте да мислите дека боксот е вежба само за горниот дел на телото. Тоа е чист мит. Нозете еднакво учествуваат во работата, бидејќи телото мора да работи координирано, а тогаш, покрај сила и зголемена потрошувачка на енергија, ја подобрувате и рамнотежата, експлозивноста и ангажираноста“, вели спортскиот психолог Џесика Метјус.
Топи калории, и тоа доста брзо
Боксот значително го забрзува отчукувањето на срцето и ја зајакнува мускулната издржливост, па телото со текот на времето почнува да согорува се повеќе калории.
Експертите пресметале дека боксот топи 13 калории во минута, слично како трчањето и возењето на велосипед, со тоа што со половина час спаринг се трошат околу 300 калории, со половина час работа со вреќа околу 200, а со борба во ринг околу 400 калории.
Опушта од стрес подобро од било која друга активност
„Не само што делува здраво и продуктивно на мозокот, туку со исфрлувањето на стресот од себе, вие совршено се опуштате. Се произведува ендорфин, кој докажано ги прави луѓето посреќни. Меѓутоа, менталните предности овде не застануваат, бидејќи боксот гради самодоверба и самоконтрола“, нагласува Арнолд Гонзалес, американски боксер и тренер во клубот „EverybodyFights“.
Ја подобрува координацијата
Во боксот е најважно да се има добра „врска“ меѓу очите и рацете. Токму овде лежи менталната сила на боксерот, која воедно совршено делува за подобрена координација на целото тело.
Во боксот никогаш нема да престанете да учите и напредувате
Боксот никогаш нема да ви стане досаден. Тренинзите поминуваат за миг бидејќи постојано сте фокусирани, и потоа сте свесни дека постои нешто ново што можете да го научите.