Едноставен и вкусен колач со кајсии и јогурт, идеален за летните денови.
Потребно состојки:
-400 мл јогурт
-4 јајца
-1 чаша шеќер
1 чаша масло
-4 чаши остро брашно
-1 прашок за пециво
-кајсии
-шеќер во прав по желба
Начин на подготовка:
Измијте ги кајсиите, преполовете ги, отстранете ги семките и исечете ги на помали парчиња. Брашното измешајте го со прашок за пециво.
Во друг сад ставете ги јајцата, шеќерот и мешајте околу 5 минути, додека смесата не се добие светложолта боја. Полека додавајте го маслото, а по него и јогуртот додека бавно мешате со миксерот. На крајот сипете го просеаното брашно измешано со прашок за пециво.
Калапот за печење добро премачкајте го со малку масло, а потоа посипете малку брашно. Смесата истурете ја во калапот, а врз него наредете ги исечените кајсии кои може благо да ги втиснете во смесата. На крајот печете во загреана рерна на 180 степени Целзиусови.
Печете го колачот околу 45 минути, зависно од рерната. Ќе знаете дека е готово кога рабовите ќе се одвојат од калапот и кога колачот ќе добие убава темна златножолта боја.
Оставете да се олади, а пред служење посипете со малку шеќер во прав.
