Вкусен и освежителен колач идеален за десерт во текот на летните горештини.
Потребни состојки:
-2 поголеми јајца
-135 г шеќер
-90 г растопен путер
-60 мл маслиново масло
-75 мл млеко
-1 лажичка екстракт од ванила
-200 г пченично брашно
-половина лажичка прашок за пециво
-прстофат сол
-250 г свежи или замрзнати боровинки и рибизли
Начин на подготовка:
Измешајте ги јајцата со шеќерот, па мешајте околу 5 минути додека смесата не стане густа и светложолта.
Во подготвената смеса додадете го растопениот путер, маслиновото масло, екстрактот од ванила и млекото, мешајќи помеѓу секое додавање на состојките. На крајот додадете малку сол, брашно и прашок за пециво.
Овошјето мора да биде на собна температура. Ако користите замрзнато, треба до пола да биде одмрзнато, никако растопено и со сок. Овошјето измешајте го со шеќер, количина по желба. Четвртина од овошјето измешајте го полека со кружни движења во подготвеното тесто. Калапот за печење обложете го со мрсна хартија. Смесата излејте ја во калап и печете 20 минути во претходно загреана рерна на 175 степени.
Откако колачот е до половина испечен, остатокот од овошјето наредете го по површината на колачот, па со лажица втиснете го овошјето во тестото. Печете уште половина час.
Посипете со шеќер во прав и послужете го колачот.
