Овошен колач со чоколаден прелив, за убав почеток на неделата.
Потребни состојки:
- шолја пченичен гриз
- шолја масло
- шолја брашно
- половина шолја млеко
- лажичка цимет
- прашок за пециво
- 1 јајце
- 7 лажици шеќер
- 2 рендани јаболка
За прелив:
- 4 лажици масло
- 4 лажици млеко
- 4 лажици шеќер
- 100 г чоколадо
Начин на подготовка:
Изматете ги јајцата и шеќерот, а потоа додадете ги останатите состојки и добро измешајте.
Добиената смеса сипете ја во подмачкан плех (со брашно и масло). Печете во претходно загреана рерна на 220 степени, околу 30 минути.
Кога колачот ќе биде при крај од печењето, подгответе го преливот така што на умерена температура ќе ги стопите сите состојки, па прелијте го врелиот колач.
Кога ќе се олади, исечете го и послужете го овошниот колач.
