Едноставно јадење со интересен вкус за љубителите на кисела зелка.
Потребни состојки:
- Маст или масло
- Џимиринки
- Кисела зелка
- Коцка од говедска супа
Начин на подготовка:
На маст или на масло, на тивка температура, испржете ги џимиринките до саканата боја, количина по ваш избор.
Киселата зелка исечкајте ја ситно, ако е пресолена добро измијте ги листовите. Количината е исто по ваш избор.
Додадете ги џимиринките и ставете заедно да се печат во рерна на 190 степени Целзиусови. Печете додека зелката не биде готова.
Пред крајот додадете ја говедската коцка за супа разредена во вода и допечете уште малку.
Ова јадење може да го приготвите и на рингла, не мора да се пече.
