Ова е малку поинаков ѓувеч кој се пече во рерна, а се подготвува со ориз, компир, месо...
Ѓувеч е едноставно јадење со кое израснале многу генерации. Неговата подготовка не бара многу, а може да се направи со или без месо. Ви пренесуваме рецепт за ѓувеч со ориз, компири и пиперка, а за уште подобар вкус прелијте го со булјон. Искористете месо по ваш избор, а освен што е вкусен, ѓувечот е и совршен предлог за ручек за сите што сакаат да му угодат на семејството без да потрошат многу пари.
Потребни состојки:
- 200 гр ориз
- 100 гр грашок
- 2 пиперки
- 1 мал компир
- 1 пелат
- 1 кромид
- 200 мл булјон
- 200 мл доматен сос
- месо по избор
- масло
- вода
Подготовка:
Во тава со малку масло пропржете го ситно исечканиот кромид, а кога ќе омекне додадете го месото исечкано на коцки. Кратко пропржете, па додадете ги крупно исечканите пиперки и компирот кој сте ги исечкале на ситни коцки.
Истурете малку вода во тавата и промешајте, па зачинете по желба. Потоа истурете го булјонот, доматниот сос, пелатот, па додадете го грашокот и повторно измешајте.
Гответе го ѓувечот околу 15 минути, по потреба додадете уште вода, па ставете го во рерна и печете уште 15 минути.
При сервирање по желба можете да украсите со магдонос.
