Доколку сте љубители на болоњезе сос, овој американски рецет за шпагети сигурно ќе ви се допадне.
Италијанците се познати по пастата, а нивниот најпознат сос е секако болоњезе. Американците го модифицирале овој италијански рецет за шпагети, додавајќи му кашкавал и разноразни зачини. Во предлагаме да го испробате овој фантастичен рецепт, а најдобро од сѐ е што се подготвува во само една тава, па нема да си отворите работа со купови за миење.
Потребни состојки:
- 450 гр мелено месо (по избор)
- 300 гр кашкавал (по можност жолт чедар)
- ½ кромид
- 1 сечкан домат
- 1 лажичка мелена пипер
- 2-3 чешниња лук
- 2 лажици свеж магдонос
- 250 гр шпагети
- 400 мл булјон
- ½ лажичка лук во прав
- ½ лажичка кромид во прав
- ½ лажичка блага пипер
- ½ лажичка оригано
- ½ лажичка чили
- тако сос
Подготовка:
Меленото месо пропржете го со ситно сечкани кромид и лук. Кога ќе биде готово додадете сечкан домат, сите зачини освен магдоносот, како и булјонот. Промешајте, па додадете ги и шпагетите. Турете и малку вода за да бидете сигурни дека шпагетите се натопени. Гответе додека сосот не почне да крчка, а потоа поклопете и гответе уште 15 минути. Повремено мешајте. Потоа тргнете го капакот, промешајте и гответе уште 2-3 минути. Додадете рендан кашкавал и повторно поклопете, па оставете на шпорет додека кашкавалот не се стопи. На крајот посипете со сечкан магдонос и зачинете со тако сос.
