Кога доаѓате дома уморни од работа и немате време за комплицирани јадења, подгответе вкусно јадење со брокула и домати во рерна.
Некогаш едноставните оброци знаат да бидат највкусни, а воедно се и најлесни за подготовка. измешајте брокули и домати, па сето тоа потпечете го со јајца и кашкавал. Никогаш полесно нема да направите ручек, или вечера, во зависност од тоа кога се враќате од работа, а нема да потрошите многу време.
Доколку сакате нешто лесно и вкусно, тогаш обавезно испробајте го овој рецепт.
Потребни состојки:
- 1 брокула
- 2 јајца
- 3 лажици јогурт
- 180 гр тврд кашкавал
- 150 гр чери домати
- зачини
Подготовка:
Броклулите исечкајте ги на цветови, па варете ги додека водата не почне да врие. Оставете ги уште 5 минути и процедете ги. Во сад изматете ги јајцата, па додадете јогурт и зачини по желба. Потоа ставете 100 грама рендан кашкавал и убаво измешајте. Намачкајте ја тавата со масло и истурете ја смесата со јајцата, а одозгора наредете ги брокулите. Ставете чери домати исечени на половинки и посипете со рендан кашкавал (80 грама). Се пече во рерна на 180°C околу 25 минути.