Авионскиот превоз е еден од најголемите фактори за загадување на воздухот.
Се смета за еколошки најштетната превозна опција и иако има разни тврдења дека се „еколошки освестени“, многу авиокомпании се далеку од одржливо еколошко работење.
Сепак, не згаснува надежта дека со новите технологии ќе се изнајдат начини авиопревозот да не биде (толку) штетен за околината.
Инженерите во Технолошкиот универзитете Делфт напорно работат на остварување на овој сон, а холандската авиокомпанија KLM дава свој придонес во нивните напори да конструираат нов прототип на авион од иднината што ќе го смени авиопревозот засеогаш.
Концептот е изум на студентот Јустус Бенад и го носи името на електричната гитара на која наликува, Gibson flying-v.
Се очекува дека несекојдневниот авион во V форма ќе троши 20% помалку гориво благодарение на овој дизајн, што е многу важно, имајќи предвид дека моментално авиопревозот придонесува со 2,5 проценти од вкупното количество на испуштен јаглерод диоксид во воздухот.
Се очекува првите тестирања да почнат во септември годинава, а авионот да биде пуштен во употреба во 2040 година.
Во авионот ќе има простор за 314 патници кои ќе бидат сместени во крилата заедно со резервоарите за гориво и делот за багаж.