Неколку дена по одлуката на Audi да го прекине развојот на новата генерација мотори со внатрешно согорување, и BMW ги објави своите намери.
Иако електричниот i4 штотуку стапи на сцена и „тивко“ се приклучи на гамата, BMW не е подготвен да ги стави сите облози само на електрификација.
Списанието Drive забележа твит од Фил Лебо од CNBC, во кој пишува за коментарот на првиот човек на BMW Оливер Ципзе.
„Побарувачката за возила со мотори со внатрешно согорување ќе биде значајна уште многу години“, напиша Лебо, повикувајќи се на коментар на Ципзе.
За потсетување, Audi соопшти дека нема да развива нова генерација мотори, туку ќе ги модернизира постојните за да бидат компатибилни со стандардот Еуро 7. Веднаш потоа, некаде до 2030 година, Audi ќе се префрли на електрична енергија. Истото го изјави и претседателот на Mercedes, а неодамна дознавме дека дури и Mini, кој е под покровителство на BMW, наскоро ќе нуди исклучиво електрични модели.
Продолжете да читате: Renault донесе одлука за иднината на моторите со внатрешно согорување