Идрис Елба е насекаде – сега почна и да рапува
Пред неколку дена беше најавен како замена на Вил Смит во новото продолжение на „Suicide Squad“, неговото име се споменува како потенцијален наследник на Даниел Крег во серијалот за тајниот агент 007, а сега почна и да рапува – можеме да заклучиме дека Идрис Елба е сеприсутен во поп културата.
Во новата песна на грајмерот Вајли, токму Идрис Елба се појавува за да ги почести фановите со неколку стихови за неговото искуство како диџеј на свадбата на принцот Хари и Меган Маркл. Се разбира, тоа не е единственото искуство на Елба зад миксетата, бидејќи тој глуми диџеј во новата серија на Netflix наречена „Turn Up Charlie“.