Игра, оброк или нешто трето: Речни делфини снимени со анаконда в уста

Една многу необична глетка забележал објективот на научниците кои набљудуваат ретки и срамежливи речни делфини во североисточните делови на Боливија.

Светот на природата е многу инспиративен и фасцинантен, а неговите сцени често нè изненадуваат: како на пример кога истражувачите снимија крајно неверојатна сцена на речни делфини од Боливија, кои пливаат наоколу држејќи анаконда в уста.

Овие речни делфини ретко се гледаат во природата бидејќи ја држат главата над површината на водата многу кратко време, а уште поретко ја држат главата над водата и истовремено држат змија грабливка.

Иако не е јасно што точно се случило, делфините и китовите се општо познати по игривите активности кои вклучуваат други животни, доброволно или против нивна волја.

Фотографијата е направена во август 2021 година, во близина на реката Тијамучи во Боливија. Во таа прилика, истражувачите забележале група делфини кои се задржуваат над водата подолго од вообичаеното. Но, дури откако ги прегледале фотографиите, тие добија идеја што навистина се случило.

„Сфативме дека биле окупирани со змија, и иако беше тешко да се процени големината на групата, таа се состоеше од најмалку 6 делфини“, пишуваат истражувачите во трудот во кој ја опишуваат оваа необична средба. „Јасно беше дека си играат со неа, дека не се обидуваат да ја изедат.

Делфините комуницирале со змијата на неколку различни начини. Повремено пливаа покрај неа, не оддалечувајќи се премногу.

Дали ваквото однесување е вообичаено?

Овие интеракции меѓу делфините се ретки, а истражувачите веруваат дека постои можност делфините меѓусебно да се подучувале за змиите. Тие ја наведуваат и можноста змијата да била оброк, иако, за волја на вистината, не го снимиле моментот кога делфините ја изеле боата.

Речните делфини обично е тешко да се најдат бидејќи реките често се калливи и потешки за истражување од океаните. Но, иако деталите за тоа што се случило не се јасни - ова е корисен увид за тоа како овие суштества поминуваат дел од своето време.

Многу е веројатно дека ова искуство не завршило добро за змијата. Како што успеале да видат експертите, таа не се мрднала за време на интеракцијата и потоа долго време останала под вода, поради што се посомневале дека на крајот завршила мртва.

„Мислам дека змијата не се забавуваше многу“, вели биологот Штефен Рајхле од Природонаучниот музеј во Боливија.

Истражувањето е објавено во списанието Ecology.

Бени анакондата (Eunectes beniensis) може да порасне до 2 метра и да живее во истиот дел од светот како и боливискиот речен делфин (Inia geoffrensis boliviensis), односно во делот на амазонската прашума лоцирана во североисточните делови на Боливија.

Тагови
реклама

Заврши најкрвавата битка во Украина, Азовстал во рацете на Русите

Read more

Полска бара демилитаризација и преименување на Калининград, Русите се изнасмеаја

Read more

Необична снимка: Уште еден доказ дека со Путин нешто не е вo ред?

Read more

Обрнете внимание: 6 важни симптоми кои укажуваат на опасен рак

Read more

Вести

Иднината сега: Domus користи обновлива енергија, има кабини, теретана и базен

Read more

Роверот на Марс сними „врата“ врежана во карпа

Read more

Зошто Европејците не се капеле во средниот век?

Read more

Босна и Херцеговина го има најскапиот водопад во светот

Read more
 

Гик

Популарни страници следат сè што правиме на интернет: Се памти и тоа што е избришано

Читај повеќе
  • filter

Иднината сега: Domus користи обновлива енергија, има кабини, теретана и базен

Читај повеќе

Доаѓаат големи промени во iOS 16

Читај повеќе

Научници оживеаја активност во човечко око после смрт

Читај повеќе

Роверот на Марс сними „врата“ врежана во карпа

Читај повеќе

Ситуацијата за Need for Speed ​​се менува

Читај повеќе

iPhone не е единствениот кој се префрла на USB-C порт

Читај повеќе

Зошто Европејците не се капеле во средниот век?

Читај повеќе
  • filter

Босна и Херцеговина го има најскапиот водопад во светот

Читај повеќе