Навивачите на францускиот тим ПСЖ уште повеќе ќе патат од поразот 6:1 на Ноу Камп по информацијата како нивните фудбалски херои „се подготвувале“ пред натпреварот на сезоната.
Блез Матуиди и Марко Верати од ПСЖ биле излезени со славната пејачка Ријана само две дена пред реваншот со Барселона во осминафиналето од Лигата на шампиони.
Двајцата фудбалери на ПСЖ и пејачката се нашле во Париз во понеделникот на гала-вечер во организација на Puma, а дружењето го продолжиле до доцна во ноќта, пишува L'Equipe.
Катастрофалната игра на целата екипа на францускиот првак секако беше непростлива, а после оваа информација сигурно работите дополнително ќе се искомплицираат.
ПСЖ на Денот на вљубените постигнаа четири гола против тимот на Барселона, а за Денот на жената примија шест гола, што беше еден од најголемите пресврти во историјата на Лигата на шампиони.