Немили сцени се случија ноќеска во осминафиналето од Копа Либертадорес каде Бока Жуниорс доживеа елиминација.
Контроверзна одлука на ВАР судиите го одбележа натпреварот помеѓу бразилски Атлетику Минејру и аргентинскиот гигант Бока Жуниорс, што на крајот резултираше со тежок инцидент.
Откако натпреварот во Буенос Аирес пред една недела заврши без голови, истиот резултат се повтори и ноќеска, па пенал-рулетот го одлучи четврфиналниот патник. Играчите на Бока успеаја да промашат дури три пенала иако Атлетику прв почна со утка, за потоа да слави со 3:1.
Но, во 63. минута Бока постигна гол преку Марсело Вејнгант, гол кој беше поништен поради офсајд по интервенција на ВАР собата.
По завршувањето на натпреварот, гостите од Аргентина бесни на елиминацијата, која според нив е контроверзна бидејќи постигнале регуларен гол, се упатија кон собата на судиите во подтрибинскиот простор, па попат се судрија со полицијата.
Еден од најбесните во тунелот беше поранешниот латерален бек на Манчестер Јунајтед, Маркос Рохо, кого заедно со целиот клуб сега го очекува сериозна казна.
Аргентинците обвинуваат дека полицијата употребила солзавец врз играчите и членови на стручниот штаб.
Прашан дали судиите одиграле клучна улога во исходот на натпреварот, играчот од средниот ред на Бока, Диего Гонсалес, вели:
„Без сомнение, сите можеа да го видат тоа. Постигнавме добар гол, а факт е и дека заслуживме да победиме и на првиот натпревар. Ова боли, тешко ни е. КОНМЕБОЛ мора да поработи на судењето“.
„Тотално фер заслуживме да победиме на двата натпревара, а сепак сме елиминирани. Тешко е кога едноставно не сакаат да ти ги признаат головите. Ова загрижува, наводно ВАР е тука за да има поголема правда, а не за да мами. Натпреварувањето е многу убаво, но ова е неправда. Вака, Копа Либертадорес не е ниту серозно ниту фер натпреварување“, вели клупската легенда Хуан Роман Рикелме.
Атлетику во четвртфиналето ќе игра со победникот од дуелот помеѓу Архентинос Жуниорс и Ривер Плејт. Бока на титула во ова натпреварување чека од 2007 година.
Копа Либертадорес е јужноамерикански пандан на европската Лига на шампиони и згора на тоа е многу постаро натпреварување.