Фудбалерите на молдавскиот шампион се однесуваа како да се туристи во посета на величествениот стадион, па видео од нивното излегување од тунелот стана вирално.
Изненадувањето по првите две кола во Лигата на шампионите, молдавскиот Шериф, вечерва му гостува на Интер во Милано.
Синоќа Молдавците го одржаа единствениот тренинг на теренот каде што ќе се игра натпреварот, а колку беа импресионирани од стадионот „Џузепе Меаца“ говори едно видео на кое се гледа како излегуваат од тунелот со телефоните в раце, снимајќи го за нив тој редок настан - небаре се туристи.
Стадионот на туристите им нуди прошетка која вклучува и излегување на теренот низ тунелот кој го коритат играчите. Молдавците со своето одбесување наликуваа токму како да се тоа - туристи.
За сите фудбалери на Шериф вечерашниот ќе биде прв натпревар за овој легендарен стадион, еден од најубавите на светот. Меѓу нив е и нашиот Бобан Николов кој се очекува вечер да добие шанса од клупата.
Шериф во првите две кола оствари две победи, дома над украинска Шахтар и на гости кај Реал Мадрид, резултат кој одекна низ целиот свет.
