Често, играњето видеоигри се доживува како мрзлива активност, но новите истражувања сугерираат дека би можеле да бидат од голема корист за децата.
Истражувачи од Универзитетот Саскачеван велат дека видеоигрите можат да ги подобрат периферните вештини на внимание, клучни за развивање на способноста за читање.
„Обрнувањето внимание е важен дел од успешното читање“ вели Шејлон Крес, водач на студијата.
Вашите очи мора да ја скенираат страницата на системен начин за правилно обработување на секој збор и реченица.
„Затоа активностите кои можат да влијаат на процесот на внимание, како што се видеоигрите, исто така можат да влијаат на читањето“, тврди Крес.
Резултатите од студијата открија дека учесниците кои играле игри со повеќе периферни објекти, побрзо и поефикасно ги читале и познатите и измислените зборови прикажани во експериментот.
„Забележавме дека лицата со повеќе изложеност на периферно претставени визуелни барања во видеоигрите, на пример во пишани известувања или непријатели кои се појавуваат на работ на екранот, а не во средината, покажуваат побрзо време на реакција на читање од поединци кои биле малку или воопшто не биле изложени на периферни визуелни барања“, вели Крес.
Истражувачите се надеваат дека нивните откритија ќе доведат до подобар дизајн на видеоигрите кои дефинитивно можат да поттикнат поздрави навики.