Долгоочекуваната игрица „Assassin's Creed Shadows“ повторно е одложена, објави Ubisoft.
Игрицата требаше да се појави на пазарот на 14 февруари годинава, но Ubisoft одлучи да го одложи нејзиното излегување за 20 март. Ова е второ одложување на пристигнувањето на игрицата, која првично требаше да биде достапна навреме за празниците во 2024 година.
Причината за доцнењето е иста. Програмерите велат дека го користат дополнителното време за да ја исполираат игрицата, која претходно беше опишана како „најголемата титула во франшизата“. Од Ubisoft велат дека континуирано ја следат реакцијата на играчите од заедницата и прават промени врз основа на нив.
Сепак, Variety пишува дека причината за доцнењето може да биде уште еден фактор. Познато е дека Ubisoft се подготвува за продажба, за која се шпекулира долго време, па се вели дека целта е игрицата „Assassin's Creed Shadows“ да стане хит кој ќе привлече купувачи.
Игрицата „Star Wars Outlaws“ „не донесе многу трансформативни стратешки и капиталистички опции за да се извлече најдобрата вредност за акционерите“.
Доцнењето на игрицата може да биде добра вест за гејмерите, бидејќи современите девелопери, освен Nintendo и уште неколку, „сакаат“ да објавуваат игрици полни со багови, кои и покрај тоа добро ги наплаќаат. Затоа, подобро е да се осигураме дека „Assassin's Creed Shadows“ е една од најдобрите во франшизата веднаш по лансирањето, наместо да стане таква дури за неколку години.
