Се официјализираше трансферот на играчот на Јувентус преку Барата за кого ова ќе биде прво искуство во МЛС.
Клубот формиран од Дејвид Бекам се пофали со звучното засилување кое треба да го размрда заспаниот напад на тимот од Флорида кому ова му е дебитантска сезона во МЛС.
„Како прво, сакам да му се заблагодарам на Интер Мајами за напорот што го вложија за да ме донесат. Сигурен сум дека ова ќе биде убаво искуство во мојот живот. Тоа и е она што го барав, ново искуство во нова лига и во убав град. Среќен сум што сум овде и што конечно трансферот стана официјален“, се првите зборови на Игуаин како играч на Интер Мајами.
Игуаин последните 4 години ги мина во Јуве, но една сезона беше на позајмица во Милан и Челси. Претходно го носеше дресот и на Наполи, Реал Мадрид и Ривер Плејт. Во декември ќе полни 33 години.