Фудбал

Игуаин се соочува со казна откако и покажа среден прст на публиката (Видео)

13. септември 2017 - 10:19 | К.З.

Аргентинскиот напаѓач се соочува со казна откако вчера на мечот од рамките на групната фаза во ЛШ, тој им покажа среден прст на навивачите на Барселона.

Гонзало Игуаин беше заменет во текот на натпреварот, а навивачите на Барселона решија да го испратат со свирежи бидејќи тој е поранешен играч на нивниот најголем ривал Реал Мадрид. Игуаин не можеше да им одолее на провокациите и го испружи средниот прст према домашните навивачи.

УЕФА би можела да го казни напаѓачот, како што тоа беше случај во претходните случаи кои го вклучуваа истиот испад. Да се потсетиме, италијанскиот тренер Роберто Манчини беше казнет поради покажување среден прст на публиката, а истата казна го снајде и Луис Суарез додека тој играше за Ливерпул.

Коментирај