Аргентинецот упати низа пофалби за своите соиграчи, а особено Нејмар го опиша сосема различно од она што го претставуваат медиумите.
„Луѓето можеби поинаку го доживуваат од надвор, но реалноста е сосема поинаква. Сите знаеме каков тип на фудбалер е Нејмар, а кога навистина ќе го запознаеш можеш многу добро да се дружиш со него бидејќи тој е сосема поинаков од она што медиумите го претставуваат“, вели Мауро Икарди во интервју за France Football.
„Тој е соиграч кој не се двоуми да направи нешто за останатите да се чувствуваат добро. Токму таков пристап и ни треба. Големите играчи се први кои треба да дадат добар пример. Тој е човек кој е секогаш среќен и се дружи со сите. Тој изобилува со смиреност“.
Покрај за Нејмар, Икарди исто мислење има и за младата ѕвезда Килјан Мбапе.
„Сѐ што ви кажав за Нејмар важи и за Мбапе. Сѐ уште е младо момче, но веќе има постигнато големи работи. Тој е премногу зрел за негова возраст. Неговото однесување придонесува за добрата атмосфера во тимот“.
„Важно е секој да биде свој бидејќи на крајот на краиштата, ние сме едно големо семејство кое скоро секој ден го поминува заедно. Добриот хумор на Нејмар и Мбапе нѐ прави да се чувствуваме добро секој ден“, открива Аргентинецот.