Аргентинецот деновиве го прослави својот 27-ми роденден, но само еден од неговите поранешни соиграчи се сети да му честита.
Мауро Икарди неславно се раздели со Интер. Летоска замина во ПСЖ, а дека неговите сега веќе поранешни соиграчи едвај чекале да го снема говори и фактот што неговиот роденден во средата му го честита само еден интерист.
Самиот Икарди на својот Instagram профил споделуваше сториња со личности кои му честитале роденден, а помеѓу нив, изненадувачки, ниту еден од Интер. Единствениот интериста всушност сезонава како позајмен игра за Џеноа, кај Пандев.
Само младиот Андреа Пинамонти се сетил на својот поранешен соиграч и со посветата „Среќен роденден другар мој“ му се обратил на Икарди.
Никој, никој друг. Ниту Брозовиќ, ниту Весино, Ранокија, Кандрева, Хандановиќ, Д'Амброзио, играчи со кои повеќе сезони ја делеше соблекувалната.
Икарди заедно со соиграчите Единсон Кавани и Анхел Ди Марија во средата вечер направија голема забава славејќи ги заедно нивните три родендени. Кавани и Ди Марија се родени на 14-ти, но се договориле со Икарди да прослават заедно после гостувањето кај Борусија во Лигата на шампионите во вторникот.
