Илон Маск си ја поврати позицијата на најбогат човек на светот, пишува CNN.
Според Bloomberg Billionaires, нето вредноста на извршниот директор на Tesla сега е околу 192 милијарди долари, во споредба со 187 милијарди долари на извршниот директор на LVMHF, Бернар Арно.
Двајцата центи-милијардери, термин кој се користи за луѓе со богатство од повеќе од 100 милијарди долари, беа на првото место со месеци.
Оваа недела, богатството на Арно падна откако акциите на LVMH паднаа во средата, според податоците на Bloomberg.
Арно го престигна Маск во декември, бидејќи неговото богатство порасна поради бумот на луксузни стоки што помогна да се подигне цената на акцијата на LVMH. LVMH, еден од најголемите светски конгломерати, е дом на брендови како Louis Vuitton, Dior и Celine.
Најголемиот адут на Маск се акциите на компанијата, од кои тој поседува околу 13%, наведува Bloomberg.
Освен Tesla, Маск е и извршен директор на SpaceX, компанија за истражување на вселената и сопственик на социјалната мрежа Twitter.
Акциите на LVMH годинава пораснаа за 19,7%, додека на Tesla за 65,6%.
