Илон Маск стана најследената личност на Twitter со 133,1 милиони следбеници.
Титулата му ја „зеде“ на поранешниот американски претседател Барак Обама, кој има 133,04 милиони следбеници. На третото место е пејачот Џастин Бибер со 113,31 милиони следбеници.
Како што е веќе познато, Маск го купи Twitter за 44 милијарди долари во октомври минатата година. Тој е критикуван за отпуштањето на поголемиот дел од вработените.
Како дел од напорите за зголемување на приходите на платформата, се планира да се воведе Twitter Blue, услуга за месечна претплата која им овозможува на луѓето да го одржуваат верификуваниот статус. Оваа услуга ќе почне да се наплаќа од утре. Се разбира, тоа наиде на неодобрување кај многумина.
Милијардерот изјавил дека така одлучил затоа што сака сите да бидат еднакви. Тој смета дека познатите личности не треба да имаат привилегиран статус.
Тој им наредил на вработените да го променат алгоритмот за на корисниците на оваа социјална мрежа прво да им се прикажуваат неговите твитови. Само неколку часа подоцна, луѓето почнаа да објавуваат слики од екранот кои покажуваат дека делот „for you“ на страницата не покажува ништо друго освен твитовите на Маск.
