Сопственикот на Twitter, Tesla и SpaceX, Илон Маск, од денеска повеќе не е најбогатиот човек на светот, покажуваат податоците на престижниот њујоршки магазин Forbes.
Маск падна од првото место по купувањето на Twitter за 44 милијарди долари и продажбата на акции во неговата компанија за производство на електрични автомобили, објави Reuters.
На прво место сега изби Бернар Арно, сопственик на луксузниот бренд LVMH и бројни компании, чие богатство според Forbes се проценува на 185,4 милијарди долари.
Имотот на Маск, кој беше на првото место заклучно со септември 2021 година, се проценува на 185,3 милијарди долари.
