Илон Маск ги изненади фановите со гостувањето во подкастот „Full Send“, каде зборуваше за вонземјани, пушењето трева со Џо Роган, предизвикувањето на Владимир Путин на ММА борба и колонизацијата на Марс.
За време на тричасовниот разговор со Нелк Бојс, технолошкиот магнат рече дека верува оти би било корисно да се има друга планета за да се осигура дека цивилизацијата никогаш нема да биде уништена.
Извршниот директор на Tesla и Spice X рече дека во тој случај луѓето ќе имаат каде да побегнат доколку се случи природна катастрофа или „малку поверојатната“ Трета светска војна.
Зборувајќи за колонизацијата на Марс, Маск објасни: „Мислам дека има две причини. Едната е еден вид одбранбена - ако нешто лошо се случи на Земјата, како метеор, нешто што ги уништи диносаурусите или супервулкан“.
Тој потоа изнесе друга теорија, според која „човештвото се убива себеси“ во форма на Трета светска војна.
„Тоа може да биде Трета светска војна, ние би можеле да се испоубиеме со нуклеарно оружје или нешто слично. Третата светска војна е сè поверојатна деновиве“, рече Маск.
Потоа заклучил дека би било добро да има друга планета, за да не биде збришана цивилизацијата.
Подоцна, изразувајќи ги своите ставови за „митот за пренаселеноста“, тој рече дека повеќе би сакал цивилизацијата да згасне „со тресок отколку да плаче во пелени за возрасни... тресокот ќе биде Трета светска војна“.