Виртуелните валути не ги исполнуваат основните критериуми што треба да ги има една валута, велат од „JP Morgan Chase“.
Експертите на банкарската и финанска холдинг компанија ги нарекоа криптовалутите „лоша стока и лош облик на пари“.
Можеби има смисла некои инвеститори да ги вклучат дигиталните валути во своите портфолија преку хеџ фондови, велат од „JP Morgan Chase“ и додаваат дека не гледаат ниту една криптовалута како легитимен конкурент на суверените валути.
Оттаму додаваат дека дури и ако криптовалутите ги исполнат критериумите на пари во кеш, далеку се од тоа да станат некаква национална валута.
„Во секој случај, дури и хипотетички стабилна криптовалута не може да се мери со доларот при, на пример, плаќање стока во Чикаго, или со еврото во Штутгарт“, стои во нивниот извештај.
Банкарите смераат дека единствена област во која криптовалутите може да се мерат со националните валути е црниот пазар.
Директорот на „JP Morgan Chase“ Џејми Дајмон претходно изјави дека биткоинот е измама, потоа се покаја за таквата изјава, но уште стои на ставот дека не го интересираат дигиталните валути.