Министерот за култура на Република Македонија, Роберт Алаѓозовски, донесе одлука за именување членови во Управниот одбор на манифестацијата Струшки вечери на поезијата.
Како членови на Управниот одбор на Струшките вечери на поезијата од редот на истакнати уметници и културни работници се именувани проф. д-р Елизабета Шелева (претседател на Управниот одбор), Лидија Димковска и Димитрие Дурацоски.
Овој пат Министерството ги објави и биографиите на новите членови откако пред десетина дена беше изложено на јавна критика за именувањето на Дарко Лешовски за претседател на Управниот одбор на СВП. Лешовски тогаш се повлече, а по него и двајца членови на Одборот.