Инцидент со уште еден Boeing: Принудно слетал во Норвешка поради проблеми со моторот

Авион на холандската авиокомпанија KLM принудно слета во Норвешка откако имал проблеми со моторот за време на летот, но немало повредени, соопшти норвешката полиција.

Во соопштението се наведува дека Boeing 737, кој летал од Осло за Амстердам, принудно слетал синоќа во Јужна Норвешка по технички дефект што се случил непосредно по полетувањето.

Сите 182 лица во авионот, вклучително и екипажот, не се повредени, објави NL Times.

Локалните медиуми јавија дека пилотите забележале чадење од левиот мотор.

Откако авионот безбедно слетал, патниците ракоплескале.

По инцидентот, почна истрага за причините за инцидентот.

Во меѓувреме, авионска несреќа се случи во Јужна Кореја, кога Boeing 737-800 се обиде да слета на трупот. Авионот се излизгал по пистата, а потоа удрил во ѕид и експлодирал. Според последните информации загинаа 176 лица, а спасени се двајца членови на екипажот. Истрагата за причината за падот на јужнокорејскиот авион може да трае и до три години.