Полицијата е во потрага по мајмун, кој во сојузната индиска држава Ориса влегол во дом и наводно киднапирал бебе.
„BBC“ пренесува дека мајмунот во саботата влегол во дом и киднапирал бебе, а мајката на детето не успеала да го спречи во тоа.
Детето следниот ден било пронајдено во бунар зад куќата, а со медицински преглед било утврдено дека не се здобило со потешки повреди.
Жителите претпоставуваат дека мајмунот го пуштил бебето во бунарот, а полицијата истакнува дека мајмуните често влегуваат во куќи за да земат храна.
Сепак, со „кражба“ на дете се среќаваат прв пат.
Од локалната полиција изразуваат надеж дека мајмунот ќе биде пронајден во рок од седум дена.
Полицијата на овој случај соработува со експерти за лов на мајмуни.
