Наука

Индија повторно ја одложи мисијата на Месечината

15. јули 2019 - 9:44 | МИА
Њу Делхи, 15 јули 2019 (МИА) – Индиската организација за вселенски истражувања (ИОВИ) поради технички причини го одложи почетокот на автоматизираната мисија „Чандрајан 2″ на Месечината, предвидена за ова утро, соопштија индиските власти.

„Како мерка за претпазливост, стартот на мисијата „Чандрајан 2“ е одложен. Новиот датум ќе биде дополнително одреден, стои во известувањето.

ИОВИ ги објави датумот и часот на почетокот пред неколку седмици. Индија е четвртата земја во светот (заедно со САД, Русија и Кина), која испратила свое летало на природниот сателит на Земјата.

Мисијата „Чандрајан 2″ е продолжение на индиската програма, „Чандрајан 1″, при што првиот апарат беше испратен на Месечината во октомври 2008 година и траеше скоро една година.

„Чандрајан 2” е посложен проект, вклучува и приземјување на мал вселенски брод, кој ќе го проучува минералниот состав на месечевата површина. Почетокот на програмата беше неколкупати одложена. Првично, ИОВИ го закажа за април 2018 година. Потоа беше преместено за октомври, потоа во јануари, април, мај, па јуни 2019 година.

Индија почна да развива своја вселенска програма од 1947 година, кратко време откако стана независна држава. 

Коментирај