Индиските власти соопштија дека заплениле речиси три тони хероин чија вредност е околу 2,7 милијарди долари, кој во индиско пристаниште пристигнал од Авганистан.
„Полицијата пронајде контејнер со содржина од речиси два тони хероин, додека во уште еден контејнер е пронајден уште речиси еден тон хероин”, соопштија индиските власти.
Уапсени се и двајца Индијци кои требало да учествуваат во понатамошната дистрибуција на пристигнатата дрога.
Авганистан е еден од најголемите производители на хероин во светот и се проценува дека покрива околу 80% од производството на оваа дрога во светот. Од продажбата на хероин се финансираат и талибанците кои ги користат парите за набавки на вооружување.