Европската ракометна федерација ги објави имињата на 21 легенда во машка и женска конкуренција кои ќе бидат промовирани во нови членови на Куќата на славните.
Меѓу лауреатите е и легендата на женскиот ракомет во Македонија, Индира Кастратовиќ. Во кариерата Кастратовиќ стана европски првак со Кометал Ѓорче Петров.
Листата ја промовираше првиот човек на ЕХФ, Михаел Видерер, и на неа има 7 ракометарки и 14 ракометари. Гала свеченоста ќе се одржи на 14 декември во Виена, Австрија.
Меѓу останатите што ќе го добијат ова престижно признание се уште и Никола Карабатиќ (Франција), Микел Хансен (Данска), Ања Андерсен (Данска), Луминица Дину (Романија), Љубомир Врањеш (Шведска), Анди Шмит (Швајцарија), Стафан Улсон (Шведска), Марта Манге (Шпанија), Лук Абало (Франција), Иван Чупиќ (Хрватска), Дејан Периќ (Србија), Игор Вори (Хрватска), Виран Морос (Шпанија), Андреас Тил (Германија), Матс Улсон (Шведска), Герге Иванчик (Унгарија), Кармен Амариеј (Романија), Миа Хермансон (Шведска), Стине Офтедал Дамке (Норвешка) и Фолкер Цербе (Германија).
Претходно, член на Куќата на славните стана и актуелниот селектор на машката репрезентација, Кирил Лазаров.
🏅New legends of the game inducted into ✨#EHF 𝐇𝐚𝐥𝐥 𝐨𝐟 𝐅𝐚𝐦𝐞✨
— European Handball Federation (@EHF_Activities) December 4, 2024
2⃣1⃣ former handball players will be honoured at the #EHFExcellenceAwards gala on 14 December in Vienna, for their outstanding achievements and contribution to European #handball!👏🏻👏🏻👏🏻 pic.twitter.com/XNvXRBcHhb
