Живот

Инфлуенсерка открива: Ни нудат илјадници долари во замена за секс

21. јануари 2020 - 16:03 | А.С.

Не е необично инфлуенсерите на Instagram да добиваат приватни пораки со најразлични понуди, но она што ја изненадило ријалити ѕвездата Роузи Вилијамс биле понудите за сексуални услуги.

Роузи, која учествуваше во британското реално шоу Love Island и потоа стана Instagram инфлуенсерка, рече дека ѝ пишал маж од Дубаи со намера да изврши „важна трансакција“.

Ѝ понудил повеќе од 110.000 евра, како и скапа облека и чанти, во замена за нејзиното „друштво“.

Роузи е убедена дека не е единствената која добила ваков „непристоен предлог“.

„Или толку добро ни оди на сите што не мораме да прифаќаме вакви понуди, па не ги ни спомнуваме; или некои од нас веќе го направиле тоа, па сега се срамат да прозборат“, вели Роузи.

Нејзината колешка Тајн-Лекси Кларсон открива дека и нејзе ѝ бил понуден паричен надомест за сексуални услуги. Вакви понуди добивала уште кога била само ријалити ѕвезда, на 19 години.

Таа открива дека првично ѝ биле понудени 25.000 евра за една вечера, но потоа ја контактирала агенција која ѝ понудила 60.000 долари за пет ноќи во Дубаи, со договор што ја обврзува да не открива детали за нејзиниот престој.

Тајни-Лекс ја обила понудата, но вели дека е загрижена за младите инфлуенсерки кои би прифатиле сѐ за „живот на висока нога“.

Таа нагласува дека понудите не доаѓаат секогаш лично од оној кој ги бара. Понекогаш имаат „застапници“, најчесто маскирани како агенции, кои преговараат за секс за пари со нив.

„Ова според мене е елитна проституција. Морничава ми е самата помисла дека ми се обратиле. Сигурна сум дека многу убави девојки на Instagram добиле слични, па и полоши пораки и понуди“, вели Кларсон.

Друга инфлуенсерка, која сакаше да остане анонимна, вели дека Instagram станал како каталог за мажите со многу пари кои може да си бираат што сакаат.

Ни мажите не се поштедени

Агентот Роб Купер кој застапува познати личности, вели дека и мажите инфлуенсери на Instagram добиваат вакви понуди.

Тој предлага социјалните мрежи да преземат нешто во врска со полесно идентификување на сопствениците на профилите, за да може правно да ги гонат луѓето кои нудат пари за секс.

Претставник на компанијата Facebook, која го поседува Instagram, излезе со следното соопштение:

„Купувањето сексуални услуги не се толерира на Instagram, а на оние кои ќе ги прекршат нашите правила на користење ќе им биде забранет пристапот. Сакаме Instagram да биде безбеден простор каде луѓето ќе може да се изразуваат. Вложуваме многу средства и технологии со кои ќе го оневозможиме вознемирувањето на нашите платформи.“

Коментирај