Капитенот на Барселона, Андрес Иниеста, кој беше неизвесен за мечот со Челзи поради повреда, сега повторно тренира и е во конкуренција за тимот.
Андрес Иниеста се врати во посакуваниот ритам после, повреда со која се здоби минатата недела, и сега се поизвесно е дека ќе ја носи капитенската лента на Барселона против Челзи во Лигата на шампионите.
Иниеста минатата недела играше на натпреварот против Атлетико Мадрид, а после натпреварот на официјалниот сајт на Барселона беше објавено дека заработил повреда на тетивата на десната нога.
Тој не беше во комбинација за натпреварот против Малага во саботата, а неговата екипа славеше со 2:0, и постоеше загриженост дека нема да биде подготвен ниту за натпреварот од Лигата на шампионите.
Шпанските медиуми пренесуваат дека капитенот на Барселона денеска тренирал и дека би требало да биде во конкуренција за тимот против шампионот на Англија.
Првиот натпревар од осминафиналето од Лигата на шампионите меѓу Барса и Челзи заврши нерешено со 1:1.
Реваншот е закажан за во среда од 20:45 на „Камп Ноу“.
