Споделувањето локација се прикажува само на контактите што корисникот ги има во неговите приватни директни пораки и може да се вклучи до еден час.
Instagram подобри неколку функции за испраќање директни пораки, со што им овозможува на корисниците да ги споделуваат своите локации во живо со пријателите.
Така, сега во пораките испратени од оваа апликација можете да им го испратите точното место на кое сте на вашите пријатели со кои треба да се најдете за да можат полесно да ве најдат во гужва.
Споделувањето локација им се прикажува само на оние контакти кои корисникот ги има во неговите приватни директни пораки и можно е да се вклучи до еден час.
Означената локација не може да се препрати надвор од кореспонденцијата во која е испратена. Функцијата е стандардно исклучена и корисникот секогаш може да го види индикаторот „You are sharing your location“ на врвот на секоја тема каде што е одобрено прикажување.
Покрај додавањето локација, корисниците сега можат да додаваат прекари на своите контакти во еден-на-еден или групни разговори.
Исто така, можно е да додавате прекари за себе и за вашите пријатели во директни пораки. Овде корисникот може да овозможи, односно да даде дозвола, да може да си го смени прекарот.
Покрај овие два новитета, корисниците добија и повеќе од 300 нови стикери кои можат да ги споделат во пораките.
