Елејн Томпсон-Хера, двојната спринтерска шампионка на Олимписките игри во Токио, е блокирана на Instagram откако објави видео од нејзините трки.
Томпсон-Хера во Токио испиша историја на олимписките игри откако ја одбрани титулата во две конкуренции на 100 и на 200 метри и така стана веројатно најголемата ѕвезда во Токио.
Но, сепак фантастичната Јамајчанка вчера се соочи со проблем откако на Instagram профилот сподели видео снимки од трките на кои освои златни медали. Поради неовластено пласирање содржини, Елејн е блокирана на два дена.
„Блокирана сум на Instagram поради објавување на трките од Олимписките игри бидејќи ги немав правата за тоа. Затоа, се гледаме за два дена“, порача таа на Twitter.