Ако нешто е сигурно во светот на социјалните мрежи, тоа е фактот дека платформите копираат функции една од друга. Сепак, последниот пример е прилично големо изненадување.
Социјалната мрежа Instagram најави нова музичка опција, која им овозможува на корисниците да „закачат“ песна на својот профил исто како што е случајот со Myspace.
Instagram на тој начин го ископира Myspace, платформа која го имаше својот врв долго пред да постои Instagram, а денес е во опаѓање поради растот на остантаите социјални мрежи.
Корисникот може да избере песна во поставките за уредување на профилот и да ја избере опцијата „Add music to your profile“. После тоа, треба да изберете песна или да ја најдете во делот For You. Потоа се избира дел од песната во траење од 30 секунди, кој ќе го „украси“ профилот, а ќе остане додека не се избере нова песна. На некои луѓе веројатно ќе им се допадне оваа нова функција, додека други ќе мислат дека таквите карактеристики припаѓаат во минатото.
Треба да се напомене дека функцијата за музика ќе се активира само кога корисникот ќе посети нечиј профил и ќе го притисне копчето за да ја слуша песната.
Instagram се здружи со пејачката Сабрина Карпентер за да ја промовира оваа функција, па фановите можат да слушнат дел од нејзината нова песна „Taste“ на нејзиниот профил.
Претходно годинава, Meta се здружи со поп-ѕвездата Тејлор Свифт, која отвори профил на Threads околу времето на издавање на нејзиниот нов албум, „The Tortured Poet Society“. Првата група на луѓе што ја сподели нејзината објава доби приспособена значка за профил.
