Лошите и неодговорни возачи понекогаш толку си ја тестираат среќата, што кармата веднаш наоѓа начин да им врати. Еден од нив, обидувајќи се да го избегне сообраќајниот метеж, ја навлече бељата на свој грб.
Возачот на Honda се „протна“ во колоната со возила нелегално поминувајќи преку исцртаниот остров помеѓу двете ленти, мислејќи дека никој нема да го забележи тоа. Но, покрај патот веднаш се појави полицаец кој делуваше како инстант карма за несовесниот возач.
Дали поради тоа што во последен момент сфати дека треба да се исклучи во друга лента, или пак затоа што сакаше да го избегне сообраќајниот метеж, возачот нелегално се престрои и ги прекрши прописите.
Снимката доаѓа од Монтреал во Канада, каде што ваквите прекршоци се честа појава, за што сведочи и тактичката позиционираност на полицаецот во видеото, кој чека покрај патот за да „улови“ вакви кршители на законот.