Клубот од Милано заедно со спонзорот Nike денеска го открија дизајнот на дресот за новата сезона 2020/21.
Од Интер велат дека дизајнот бил инспириран од миланските дизајнери од 80-тите години на минатиот век, а новиот дрес е во чест на градот кој ги слави неговата култура, вредности и стил преку традиционалните клупски бои црна и сина.
„Продолжуваме да го предизвикуваме традиционалниот клупски идентитен на дрес во ленти, овој пат црпејчи инспирација од еден од нјаваѓните дизјанерски движења на Милано. Цик-цак дизајнот е обележје на постмодернистичкиот дизајн, а во истовреме асоцира и на басилиск во движење. Резултатот е крајно неочекуван домашен дрес“, вели Скот Мансон од Nike.
Дресот ќе биде достапен за онлајн нарачки веќе од утре, 1 јули, но само за оние кои се носители на сезонски билет, картичката SiamoNoi или пак се официјални членови на клубот. Нормално, како официјално здружение, регистрираните членови во Inter Club Macedonia истотака ќе можат да ја искористат оваа предност. Дресот ќе биде достапен и на официјалната веб-страница на Nike.