Челниците на Интер наводно одбиле богата понуда од каталонскиот тим која вклучувала пари и двајца нивни играчи за аргентинскиот голгетер.
Барселона уште летоска покажуваше интерес за Лаутаро Мартинес, а одличната сезона која тој ја има во Интер ги натера сериозно да запнат за негово доведување на „Камп Ноу“. Причина плус е и тоа што Антоан Гризман веројатно ќе си замине.
Како што пренесува La Gazzetta dello Sport, Барселона понудила 70 милиони евра плус Артуро Видал и Нелсон Семеду. Но, од Интер експресно ја одбиле понудата бидејќи разделба со Лаутаро не им е во план.
Се чини Барселона игра на картата на Видал бидејќи Интер одамна пројави интерес за Чилеанецот и речиси секој преоден рок се поврзува со него.
Лаутаро Мартинес има откупна клаузула од 111 милиони евра и која Барселона може во било кое време да ја активира доколку е спремна да плати толкава сума.
