Состанокот на Антонио Конте со претседателот на клубот Стивен Чан бил успешен, па и двете страни задоволни се договориле да ја продолжат соработката.
На шпекулациите дека Антонио Конте и Интер ќе се разделат по само една сезона им дојде крајот откако самиот клуб потврди дека такво нешто нема да се случи.
„Денешниот состанок помеѓу клубот и Антонио Конте беше конструктивен, во знак на продолжување на соработката и споделување на стратегијата. Со тоа поставивме стабилна основа за заедничко продолжување на проектот“, објави Интер на својата официјална веб-страница.
Причините за можното заминување на Конте не беа во тоа што Интер го загуби финалето од Лига Европа, туку внатрешните несогласувања со спортскиот директор Пјеро Аузилио и администраторот Бепе Марота со кои Конте беше во конфликт околу трансфер политиката. Еден пример е тоа што зимата Конте бараше да му биде донесен Артуро Видал, а без негова согласност му го донесоа Кристијан Ериксен.
Напротив, Конте го донесе тимот до второто место во Серија А, нешто што Интер не го направил од сезоната 2010/11, додека финалето во Лига Европа е прво интернационално за клубот по освојувањето на Лигата на шампионите во 2010 година.