Триото клубови заедно ќе се обидат да ја прекинат доминацијата на Јувентус со тоа што ќе почнат минирајќи го трансферот на Икарди.
Според пишувањата на Corriere dello Sport, управите на Интер, Рома и Наполи склучиле таен пакт против Јувентус со цел да ја прекинат неговата доминација на „чизмата“ која трае веќе осум сезони.
Првиот удар на триото треба да биде токму летово откако ќе го спречат трансферот на Мауро Икарди во Јуве. Аргентинецот е практично набркан од Интер, но „нераѕурите“ не сакаат да заврши во лутиот ривал туку било каде освен таму.
Наполи сака да го доведе во своите редови, а планот на трите клуба е следниов: Икарди од Интер во Наполи, Аркадиуш Милик од Наполи во Рома, а Един Џеко од Рома во Интер. На тој начин сите три клуба ќе добијат нов напаѓач што го посакуваат, а Јувентус ќе извиси.
Одличен план, но проблемот е што за тоа се прашува и Икарди кој пак од инат ги одбива сите понуди и сака да оди единствено во Јуве.