Интер го совлада Торино на домашен терен синоќа во натпревар од 32. коло од италијанското фудбалско првенство со 3:1.
Гостите на почетокот на првото полувреме го отворија резултатот преку Андреа Белоти по киксот на Самир Хандановиќ. Интер не дозволи изненадување и со три гола во второто полувреме направи целосен резултатски пресврт. Головите за домаќините ги постигнаа Ашли Јанг, Диего Годин и Лаутаро Мартинес.
По оваа победа Интер се изедначи со Лацио по број на бодови (68). Сега „Нераѕурите“ се втори, Лацио е трет, а убедливо прв е Јувентус со 76 бодови.
Торино е на 16. позиција со 34 бодови.