Тимот на Интер оставри втор триумф во низа во Серија А откако денеска со убедливи 3:0 победи на незгодното гостување кај Сасуоло.
Се очекуваше тежок натпревар за „Нераѕурите“ со оглед на тоа што домаќинот во овој натпревар влезе како второпласиран и непоразен сезонава, а особено по неубедливите игри на гостите од Милано.
Но, избраниците на Антонио Конте покажаа една поинаква игра и лесно ги освоија трите бода. Уште во 4. минута Лаутаро Мартинес одчлично му сервираше на Алексис Санчес кој го отвори резултатот.
Само десет минути подоцна, по една уфрлување на Артуро Видал, Влад Кирикеш си постигна ненамерен автогол носејќи му на Интер водство од два гола разлика.
Во 60. минута Роберто Гаљардини начека еден отпадок и со ефектен удар ги постави конечните 0:3.
Интер сега има 18 бодови, исто колку и Сасуоло. Сега двата се на делба на второто место, но со оглед на тоа што ова беше прв натпревар од 9. коло, до комплетирањето може да има промени во пласманот.