Интер го освои италијанскиот Суперкуп по тешката и драматична победа од 2:1 над Јувентус. Чилеанецот Алексис Санчес ја донесе титулата кога веќе сите почнаа да се подготвуваат за пенали.
Јувентус поведе во 25. минута. Вестон Мекени беше прецизен на асистенција на Алваро Мората. Сепак, на Интер му беа потребни само десет минути за да се врати во игра. Му беше досуден пенал за стартот на Де Шиљo над Џеко кој на таа позиција беше доведен со фантастичното додавање на Перишиќ. Лаутаро Мартинес постигна гол од белата точка.
Резултатот не се менуваше до крајот на 90-тата минута, па натпреварот отиде во продолженија. Победникот беше решен дури во 120. минута. Алекс Сандру направи голема грешка. Играчот чија вредност Transfermarkt ја проценува на 12 милиони евра, тргна да ја прими топката со гради во својот шеснаесетник, но противникот му ја одзеде. Таа отскокна до Алексис Санчес, кој постигна гол за големото славје на „Нераѕурите“.
Ова беше шеста титула за Интер во ова натпреварување. Пред него е градскиот ривал Милан со 7 титули и Јувентус со 9. Исто како и титулата во Италија, Интер го освои овој трофеј по десет години чекање.
