Масовната вакцинација на населението продолжи и вчера во спортскиот центар „Борис Трајковски“ во Скопје и во останатите пунктoви низ државата. Според Министерството за здравство, истата се одвива непречено, а интересот за вакцинирање секојдневно се зголемува.
Од МЗ известуваат дека вкупно се аплицирани 160.425 дози вакцини, а ревакцинирани се 24.851 лице.
Вчера вкупно се вакцинирале 14.976 граѓани, а прва доза вакцина примиле 13.976 граѓани.
Бројот на лица кои изразиле желба за вакцинација преку веб платформата vakcinacija.mk е 318.793 граѓани.
Министерството за здравство апелира до граѓаните масовно да се пријавуваат на vakcinacija.mk , бидејќи тоа е најлесниот и најбрз пат да добијат термин за вакцинација.
