Викендов Барселона во инфарктна завршница ја совлада Селта со 3:2, а херој на Каталонците беше Португалецот Жуау Канселу кој го постигна решавачкиот гол.
Барса до 80. минута губеше со 2:0, но потоа Левандовски со два брзи гола го израмни резултатот, а Канселу му донесе три бода на домашниот тим длабоко во судиското надополнување.
По натпреварот Португалецот даде изјава за медиумите во која го пофали целиот тим кој не се предаваше дури и кога се чинеше дека сѐ е готово.
Сепак, многумина со чудење го гледаа Канселу кој додека ја даваше изјавата направи многу чудни изрази на лицето.
Покрај голот, Канселу имаше и асистенција при израмнувачкиот, промовирајќи се во вистински херој на својот тим.
На стартот на сезоната Каталонците играат навистина добро. Тие се први на табелата во Ла Лига, а со триумфот над Селта ја врзаа вкупно шестата победа во сите натпреварувања.
