Twitter „доби“ нов дојавувач, поранешен вработен кој предупреди за безбедносни проблеми, пишува The Washington Post.
Дојавувачот разговарал со Конгресот и Федералната трговска комисија и рече дека секој инженер на Twitter сè уште има пристап до внатрешна програма, некогаш позната како GodMode, која им овозможува да твитаат од кој било профил.
Режимот GodMode, кој сега е преименуван во privileged mode“, сè уште е на лаптопот на секој инженер кој сакал да го има, а потребна е само едноставна промена на кодот. Скриншотови на кодот, кои беа вклучени во октомвриската жалба поднесена до FTC, покажуваат предупредување до секој што ќе се обиде да го искористи, кое гласи THINK BEFORE YOU DO THIS (РАЗМИСЛИ ПРЕД ДА ГО НАПРАВИШ ОВА).
Ова не е првпат безбедноста на Twitter да биде доведена во прашање. Во 2020 година, тинејџери ги хакираа внатрешните системи на компанијата и испраќаа лажни твитови од профилите на американскиот претседател Џо Бајден, поранешниот претседател Барак Обама, сегашниот сопственик на Twitter, Илон Маск и други.
Директорите на Twitter во тоа време тврдеа дека го решиле проблемот и лансирале „сеопфатна програма за безбедност на информации дизајнирана да ги заштити безбедноста, приватноста, доверливоста и интегритетот на нејавните информации на потрошувачите“.
Сепак, првиот дојавувач од Twitter, Пеитер Затко, тврдеше дека тоа не е вистина. Друг инженер тогаш рече дека GodMode е широко достапен.
Twitter повторно отвори истрага поради новата жалба, а беше откриено дека инженерите имале можност да ги избришат и обноват твитовите на секој корисник. Исто така, Twitter не може да евидентира кој користи или злоупотребува некоја од посебните привилегии.
FTC наводно ги истражува поранешните вработени на Twitter за новите обвинувања.
