Министерката за спорт на Зимбабве, Кирсти Ковентри, е избрана за претседател на Меѓународниот олимписки комитет (ИОК), што ја прави првата жена, како и првата личност од Африка, назначена на оваа функција.
Ковентри стана најмладата претседателка на ИОК во историјата, а нејзиниот мандат ќе трае до 2033 година.
Седум кандидати беа во трка за оваа позиција, а двократната олимписка шампионка во пливање победи во првиот круг откако својот глас го дадоа речиси 100 нејзини колеги.
„Ќе ве направам сите многу горди и се надевам дека ќе бидете многу сигурни во одлуката што сте ја донеле. Сега имаме уште малку работа заедно“, рече Ковентри во нејзиниот победнички говор.
Таа на местото претседател на ИОК ќе го замени Германецот Томас Бах.
Ова беше една од поотворените трки за претседател на ИОК во историјата, без јасен фаворит пред почетокот на гласањето.
